Day 3/365
علاقاتنا ببعض مش ابيض وأسود .... اتعلمت السنة دي ان اصعب خطوة في علاقتك مابين الناس هي خطوة انك تعدي خوفك! خوفك من انك تسأل وتعرف الحقيقة، خوفك من انك تعترف قدام نفسك، خوفك من انك تنجرح والاكبر: هو خوفك من الرفض. أحنا كائنات اجتماعية بطبعها، عايشين علشان نتعامل و نcommunicate كل يوم مع بعض، بس خوفنا مانعنا عن حاجات كتير نفسنا فيها. ساعات بنقابل صحاب بقالنا كتير ماشوفناهومش وبنحاف نسلم عليهم بس لما بنتجرأ ونروح نسأل بنلاقيهم متحمسين زينا بالظبط انهم يكلمونا !! وساعات ناس بيكون محتاجين لنا زي ما احنا محتاجينه بس الاتنين خايفين التاني يحرجهم. وساعات بيكون في ناس كل اللي محتاجينه هو انك تقولهم "مالك؟" علشان الدنيا ترجع زي ما كانت. كلنا بنخاف بس الخوف عامل مشترك مابينا ودي حاجة تطمنا ! علاقتنا بالناس مش ابيض واسود. مش لازم تكون اقصى اليمين او اقصى الشمال، كل اللي محتاجين نعمله هو اننا نسأل ونعرف الحقائق بكل صراحة لأن: "الصراحة تكفينا مؤونة التعب والجهد في الحصول على المعلومة الصحيحة والصريحة المباشرة كما أنها تقضي على القيل والقا...
